Küngüt Otel & Resort, Şəki

İstirahət insan sağlamlığı üçün ən vacib şərtlərdən biridir, odur ki, Kungut Otel qonaqlarına gündəlik təlaşdan uzaqlaşaraq istirahət etmələri üçün ideal şərait yaratmışdır.

Şəkinin ən gözəl bölgələrindən birində yerləşən Kungut Otel, ideal xidmətin nümunəsidir.

Otelin əlverişli coğrafi mövqeyini xüsusi vurğulamaq lazımdır. Kungut Otel Şəkinin şimal - şərqində, şəhər mərkəzindən 24 km, Şəki - Oğuz - Bakı magistralından 6 km məsafədə, dəniz səviyyəsindən 1200 m hündürlükdə yerləşir. Otel həmçinin Qəbələ Beynəlxalq aeroportundan cəmi 78 km uzaqlıqdadır (maksimum 1 saat). Yeri gəlmişkən, otel aeroportdan və əks istiqamətdə transfer xidməti təklif edir.

Kungut Otel mükəmməl istirahət üçün gərəkli olan hər şeyə malikdir: müasir infrastruktur, məftunedici dağ mənzərəsinə malik rahat otaqlar, təkrarsız servis. Buranı seçməklə siz yaddaşınızdan heç zaman silinməyəcək istirahətin dadını çıxara bilərsiniz. Oteli əhatə edən mənzərəyə qarşı heç bir qonaq laqeyd qala bilməyəcək.

Təkrarsız peyzaj, zəngin mədəniyyət və fərqli tarixi məkanlar hər ay buraya böyük turist axınını cəlb edir.

Bundan əlavə, Şəkinin coğrafi mövqeyi və iqlimi atla gəzinti üçün idealdır. Odur ki, dünyaca məşhur Azərbaycan atlarında gəzmək şansını əldən verməyin!

Şəkidə qonaqlara hər zaman şaddırlar və qonağın zamanını maksimum dərəcədə rahat, qayğısız keçirməsi üçün əllərindən gələni etməyə hazırdırlar.